नागपूर, 19 ऑक्टोबर 2024 (एग्रीन्यूज 18 प्रतिनिधी)
soybean rate: सोयाबीन दरातील सततच्या घसरणीची वेळीच दखल घेत केंद्र सरकारने खाद्यतेल आयात शुल्कात वाढ केली आहे. या निर्णयामुळे भविष्यात सोयाबीन दरात मोठी तेजी येईल, अशी अपेक्षा व्यक्त करण्यात आली आहे. सोयाबीन प्रोसेसर असोसिएशन ऑफ इंडियाचे चेअरमन डॉ. डेविश जैन यांनी याबाबत महत्त्वाचे प्रतिपादन केले आहे.
इंदूर: मध्य प्रदेशातील ब्रिलियंट कन्व्हेन्शन सेंटरमध्ये दोन दिवसांची सोयाबीन कार्यशाळा आयोजित करण्यात आली होती. यावेळी बोलताना डॉ. जैन यांनी सांगितले की, चालू हंगामात देशात 225 लाख टन खाद्यतेल आयात होण्याची शक्यता आहे. खाद्यतेलाच्या मागणी व पुरवठ्यातील मोठ्या अंतरामुळे ही आयात आवश्यक ठरली आहे.
देशाच्या परकीय चलनावर या आयातीचा मोठा ताण येतो. या बाबीचा विचार करून केंद्र सरकारने देशांतर्गत तेलबिया पिकांच्या लागवडीला चालना देण्यासाठी नॅशनल ऑइल मिशन सुरू केले आहे. सोयाबीन प्रोसेसन उद्योगाने या पावलाचे स्वागत केले आहे.
केंद्राच्या या निर्णयामुळे भविष्यात देशांतर्गत लागणाऱ्या 72% तेलबियांच्या गरजा भागविणे शक्य होणार असल्याचे जैन म्हणाले. सरकारने ठरवलेल्या 2030-31 या आर्थिक वर्षात तेलबियांचे उत्पादन 697 लाख टनांवर पोहोचवण्याचे उद्दिष्ट आहे. सध्या हे उत्पादन 390 लाख टन इतके कमी आहे.
भारत दरवर्षी खाद्यतेलाच्या आयातीवर तब्बल 2000 कोटी रुपये खर्च करतो. त्यामुळे सरकारने घेतलेल्या या धोरणात्मक निर्णयाचे कौतुक होत आहे. संजीव आस्थाना यांनी सांगितले की, सरकारने हमीभावाने सोयाबीन खरेदी केल्यास दरात वाढ होईल, परंतु सरकारने मागे घेतल्यास दरात मोठी घसरण होण्याची शक्यता आहे.
तेल उद्योगाला 10% आयात शुल्क वाढ अपेक्षित होते. मात्र, सरकारने 20% शुल्क वाढवल्याने तेल उद्योगाला धक्का बसला आहे.
यावरही या कार्यशाळेत चर्चा करण्यात आली. युक्रेन, रशिया, पोलंड या देशांमध्ये सूर्यफूल उत्पादनात घट होणार आहे. भारत सध्या 70% तेल युक्रेनकडून व 30% रशियाकडून आयात करतो.
युद्धानंतर मात्र युक्रेन व रशियातील आयात बदलली आहे. टर्की देश जगभरातून सूर्यफूल तेल आयात करून त्यावर प्रक्रिया करत इराणला विकत आहे. नोव्हेंबर महिन्यात भारतात खाद्यतेलाची आयात वाढण्याची शक्यता आहे.
सूर्यफूल तेलाच्या दरात सतत तेजी राहील आणि सोयाबीनच्या आंतरराष्ट्रीय दरातही वाढ होण्याची शक्यता वर्तवली जात आहे.
१० वर्षांपासून विविध डिजिटल मिडीयाचा दांडगा अनुभव,सध्या ऍग्रो न्यूज टिम मध्ये डिजिटल कंटेंट रायटर म्हणून कार्यरत. Agriculture, Automobile, Business, Finance, Technology इत्यादी विषयाचे सखोल ज्ञान.
पुण्यातील नामांकित संस्थेतून पत्रकारिमध्ये पदवीधर.