pune rain news: भारतीय हवामान खात्याने दिलेल्या ताज्या माहितीनुसार, 15 ऑगस्टपासून महाराष्ट्रात मान्सून पुन्हा सक्रिय झाला आहे. आधीच्या अंदाजानुसार 18 ऑगस्टपासून पावसाचा जोर वाढणार होता, परंतु हवामानातील अचानक बदलांमुळे 15 तारखेपासूनच पावसाने पुन्हा आपला प्रभाव दाखवायला सुरुवात केली आहे.
पुढील 24 तासात या जिल्ह्यात; पाऊस धो धो कोसळणार !
पहा मुसळधार पावसाचा अंदाज
विदर्भ आणि मराठवाड्यात पावसाचा जोर अधिक राहील असा अंदाज भारतीय हवामान खात्याने आपल्या नवीन बुलेटिनमध्ये व्यक्त केला आहे. दुसरीकडे, प्रसिद्ध हवामान तज्ञ पंजाबरावांनी राज्यात 18 ऑगस्टपासून पावसाचा जोर वाढण्याची शक्यता वर्तवली आहे.
पंजाबरावांच्या अंदाजानुसार, 18 ऑगस्ट ते 2 सप्टेंबर या कालावधीत राज्यातील विविध भागात जोरदार ते अति जोरदार पावसाची शक्यता आहे. विदर्भाच्या पूर्व आणि पश्चिम भागात पावसाचा जोर 18 तारखेपासून वाढण्याची शक्यता आहे, तर मराठवाड्यात 18 ऑगस्टनंतर पावसाचा प्रभाव वाढणार आहे. उत्तर महाराष्ट्रात पाऊस 22 ऑगस्टपासून अधिक जोरात होण्याची शक्यता वर्तवण्यात आली आहे.
विशेष म्हणजे, पश्चिम महाराष्ट्रात उद्यापासून पावसाचा जोर अधिक असणार आहे. या भागात पूरस्थिती उद्भवण्याची शक्यता आहे, ज्यामुळे शेतकऱ्यांनी आपल्या शेती आणि पशुधनाची विशेष काळजी घ्यावी.
एकंदरीत, महाराष्ट्रात आता जोरदार पावसाला सुरुवात होणार असून, पावसाच्या प्रतीक्षेत असणाऱ्या शेतकऱ्यांना दिलासा मिळणार आहे. परंतु, काही भागांतील पूरस्थितीमुळे शेतकऱ्यांच्या चिंतेत भर पडली आहे. आगामी काही दिवसांत महाराष्ट्रातील हवामान नेमके कसे राहील, याकडे सर्वांचे लक्ष लागले आहे.
१० वर्षांपासून विविध डिजिटल मिडीयाचा दांडगा अनुभव,सध्या ऍग्रो न्यूज टिम मध्ये डिजिटल कंटेंट रायटर म्हणून कार्यरत. Agriculture, Automobile, Business, Finance, Technology इत्यादी विषयाचे सखोल ज्ञान.
पुण्यातील नामांकित संस्थेतून पत्रकारिमध्ये पदवीधर.
