लासलगाव / नाशिक: देशातील कांद्याच्या बाजारपेठेत आज मोठी उसळी पाहायला मिळाली आहे. onion rate today लासलगाव कांदा बाजार समिती, जी आशियातील सर्वात मोठी कांदा बाजारपेठ आहे, येथे कांद्याचे दर विक्रमी पातळीवर पोहोचले आहेत. मागील काही दिवसांपासून बाजारात कांद्याची आवक घटली आहे, परिणामी कांद्याचे भाव वाढले असून यावर्षीचा विक्रमी भाव नोंदवला गेला आहे.
आज लासलगाव बाजारात कांद्याला सरासरी 3800 ते 4200 रुपये प्रति क्विंटल दर मिळाला. बाजारातील व्यापारी आणि शेतकरी यांना कांद्याच्या भावात आणखी सुधारणा होण्याची अपेक्षा आहे, कारण आवक कमी होत चालली आहे. राज्यातील इतर बाजारपेठांमध्येही कांद्याच्या दरात मोठी वाढ पाहायला मिळाली आहे.
उन्हाळी कांद्याच्या सर्वाधिक आवकेच्या कळवण बाजार समितीमध्ये आज २२,१०० क्विंटल कांदा विक्रीसाठी आला, ज्याला ३,७०० रुपये सर्वसाधारण दर मिळाला. तसेच, सोलापूर येथे लाल कांद्याची १५,८६१ क्विंटल आवक नोंदवली गेली, ज्याला ३,८०० रुपये प्रति क्विंटल दर मिळाला.
राज्यातील इतर बाजारपेठांमध्ये देखील कांद्याच्या दरात मोठी वाढ झाली आहे. भुसावळमध्ये कमी आवकेमुळे लाल कांद्याला ३,६५० रुपये दर मिळाला, तर रामटेक येथे १९०० रुपये दर नोंदवला गेला. अकोले येथे 4050 हा दर मिळाला.
कांद्याच्या दरातील ही उसळी देशभरातील शेतकऱ्यांसाठी दिलासादायक ठरत आहे, परंतु त्याचवेळी सामान्य ग्राहकांसाठी वाढत्या कांदा दरांचा फटका बसत आहे. कांद्याच्या भावातील ही वाढ येत्या काही दिवसांतही कायम राहण्याची शक्यता आहे.
News Source:
महाराष्ट्र राज्य कृषि पणन मंडळ ची अधिकृत वेबसाईट : https://www.msamb.com/ApmcDetail/APMCPriceInformation#CommodityGird
१० वर्षांपासून विविध डिजिटल मिडीयाचा दांडगा अनुभव,सध्या ऍग्रो न्यूज टिम मध्ये डिजिटल कंटेंट रायटर म्हणून कार्यरत. Agriculture, Automobile, Business, Finance, Technology इत्यादी विषयाचे सखोल ज्ञान.
पुण्यातील नामांकित संस्थेतून पत्रकारिमध्ये पदवीधर.
